Ózbekstannyń burynǵy prezıdentiniń qyzy - Gúlnar Kárimova tutqyndaldy
Ózbekstan Bas prokýratýrasy taratqan aqparatta 2013 jyldyń 24 qazanynda «Terra Group» JShQ, «Prime Media» JShQ, «Gamma Promotion» JShQ qyzmetinen salyq tóleýden jaltarý faktisi qoıynsha qylmystyq is qozǵalǵandyǵy atalyp ótilgen.
«Atalǵan qylmystyq isti tergeý barysyda Kárimova Gúlnor Islamqyzy, 1972 jyly dúnıege kelgen, Ferǵana oblysynyń týmasy, ózbek, bilimi joǵary, myna mekenjaıǵa tirkelgen Tashkent qalasy, ıAshnabad aýdany ıA.Gýlıamov kóshesi 77 «a» úıindegi Saıası zertteýler ortalyǵynyń dırektory 2001-2012 jyldary N.Sodıkov, al 2013 jyldyń qańtar-qazanynda R.Madýmarov jetekshilik etken uıymdasqan toptyń qylmystyq áreketterine tikeleı jerdem berip otyrǵan», - delingen habarlamada.
Vedomstvo aqparatyna sáıkes Kárimovanyń baqylaýymen jáne járdemimen uıymdasqan qylmystyq toptyń músheleri 2001-2013 jyldar aralyǵynda birqatar qylmys jasaǵan. Onyń ishinde bopsalaý arqyly azamattar men kásipkerlerden qarjy-qarajattardy, aktsııalar men úlesteri jáne múliktik nysandardy ıelený, memleket múlkin ıemdený jáne talan-tarajǵa salý arqyly urlaý, salyq tóleýden jaltarý, qylmystyq jaýapkershilikten jaltarý maqsatynda uıymdasqan toptyń baqylaýyndaǵy sharýashylyq sýbektileri men offshorlyq kompanııalardyń qyzmetimen baılanysty qujattardy joıý, búldirý, jasyrý qylmystary bar.
Atalǵan qylmys belgileri boıynsha Kárimovaǵa Ózbekstan Qylmystyq kodeksiniń birneshe baby boıynsha aıyp taǵyldy. Tashkent oblystyq qylmystyq ister jónindegi sotynyń 2015 jylǵy 21 tamyzdaǵy úkimimen Kárimova joǵarydaǵy qylmystarǵa kináli dep tanylyp, oǵan 5 jylǵa bas bostandyǵynan aıyrý jazasy belgilengen. Degenmen, Kárimovaǵa qatysty qylmystyq is uıymdasqan qylmystyq topqa járdemdesý faktisi boıynsha jeke óndiriske alynyp, qylmystyq isti tergeý jalǵasýda. Olardyń qatarynda ózgeniń múlkin ıelený, sheteldik valıýtany jasyrý, keden zańnamasyn buzý, saýda men qyzmet kórsetý erejesin buzý, jalǵan qujattar jasaý jáne olardy uıymdasqan qylmystyq toptyń qylmysyn zańdy etip kórsetý úshin paıdalaný, qylmystyq jolmen alynǵan kirisin jyljymaıtyn múlikter satyp alý arqyly zańdastyrý, uıymdasqan qylmystyq toppen offorlyq kompanııalar arasynda jalǵan kelisimsharttar jasasý arqyly aqsha qarajattaryn aýdarý syndy qylmystar bar.
Atalǵan faktiler boıynsha Kárimovaǵa Ózbekstan Qylmystyq kodeksiniń 6 baby boıynsha aıyp taǵyldy jáne tutqynǵa alý túrindegi shara qabyldandy. Joǵaryda atalǵan qylmystyq ister boıynsha memleket pen azamattardyń múddesine kelgen shyǵynnyń jalpy somasy mıllıard dollardan asyp jyǵylady.
Tergeý materıaldaryna sáıkes 12 shet memlekettiń aýmaǵynda qylmystyq toptyń zańdastyrylǵan aktıvteri bar ekendigi belgili bolyp otyr.
«Shet memleketterdiń quziretti organdarymen halyqaralyq yntymaqtastyq aıasynda tergeý organdary uıymdasqan qylmystyq toptyń joǵaryda atalǵan aktıvterin tutqyndaý týraly qaýly jiberdi. Qazirgi ýaqytta qylmystyq toptyń ózge de aktıvterin anyqtaý jáne olardy Ózbekstanǵa qaıtarý boıynsha jedel tergeý sharalary jalǵasýda», - delingen taratylǵan aqparatta.