Ózbekstannyń barlyq 5 partııasy prezıdenttikke úmitkerlerin usyndy

TAShKENT. QazAqparat - Ózbekstanyń barlyq bes partııasy prezıdent saılaýynda úmitkerlerin usyndy, dep habarlaıdy QazAqparattyń tilshisi.

Búgin Ózbekstannyń bıliktegi Lıberal-demokratııalyq partııasynyń (ÝzLıDeP) kezekti plenýmynda saıası keńes múshesi Shavkat Mırzıeevti prezıdenttikke úmitker retinde usyný týraly sheshim qabyldandy.

Prezıdenttikke úmitker retinde Ózbekstannyń Ulttyq-demokratııalyq partııasy Maqsýda Vorısovany, «Mıllıı tıklanısh» demokratııalyq partııasy Alısher Kadırovti usyndy.

Budan buryn kezekten tys pleným qorytyndysy boıynsha Ekologııalyq partııa men «Adolat» áleýmettik-demokratııalyq partııasy prezıdenttik saılaýǵa úmitker retinde Narzýlla Oblamýradov pen Bahrom Abdýhalımovti usynǵan bolatyn.

Eske sala keteıik, Ózbekstanda prezıdent saılaýy 24 qazanda ótpek. Saılaý naýqany 23 shilde kúni bastaldy.

Avtory: Mádıbek Jánibekov