Ózbekstannyń úsh mádenı murasy ıÝNESKO tizimine engizildi

<p>ıÝNESKO Úkimetaralyq komıtetiniń 18-shi sessııasynda Ózbekstannan úsh nomınatsııa adamzattyń materıaldyq emes mádenı murasynyń reprezentatıvti tizimine engizildi, dep habarlaıdy <a href="Kazinform" target="_blank" rel="noopener">Kazinform.</a>&nbsp;</p>

Ózbekstannyń mádenıet jáne ónerdi damytý qory usynǵan aqparatqa saı, «Ózbekstannyń keramıka óneri» nomınatsııasy komıssııa músheleriniń joǵary baǵasyna ıe bolǵan. Bul - qolónerdiń tereń tarıhyn, keramıka salasyndaǵy ilimniń urpaqtan urpaqqa jalǵasýyn jáne jastardyń ony saqtaýǵa belsendi qatysqanyn aıǵaqtaıdy. 

«Keramıka - Ózbekstandaǵy eń kóne jáne erekshe halyq óneriniń biri sanalady. Keramıkanyń Rıshtan, Buhara, Gýrýmsaraı, Tashkent, Horezm, Samarqand jáne Qashqadarııa sııaqty qysh mektepteri negizgi ortalyqtar bolyp qalyptasqan. Olar bir-birinen buıymdardy jasaý tásilimen, órnekterimen, tústerimen jáne pishinderimen erekshelenedi», - dep málim etti atalǵan qor. 

Foto: unesco.org

Ázerbaıjan, Tájikstan, Túrkııa jáne Iranmen birlesip engizilgen taǵy eki nomınatsııa - «Illıýmınatsııa óneri: Nakkoshlık» jáne «Iftar jáne onyń áleýmettik-mádenı dástúrleri». 

Foto: unesco.org

«Jańa nomınatsııalardyń arqasynda ıÝNESKO-nyń qorǵaýyndaǵy materıaldyq emes muralar qataryna Ózbekstan usynǵan elementter sany 15-ke jetti. Bul olardyń órkenıet úshin mańyzdylyǵyn kórsetip tur. Ol óz kezeginde halyqaralyq deńgeıde baı mádenı murany ilgeriletý men qorǵaýdaǵy mańyzdy qadam», - delingen qordan usynylǵan habarlamada. 

Eske sala keteıik, ıÝNESKO Bas konferentsııasynyń 2025 jylǵy sessııasy Samarqandta ótedi.