Ózbekstannyń seısmıkalyq qaýipti aýmaqtarynda salynatyn nysandarǵa talap kúsheıedi

<p>TAShKENT. KAZINFORM &ndash; Ózbekstan prezıdenti Shavkat Mırzıeev &laquo;Ǵımarattar men qurylys nysandarynyń seısmıkalyq beriktigin arttyrý jáne monıtorıngileý jumystaryn jetildirý sharalary týraly&raquo; qaýlysyna qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Qujatqa saı, bıylǵy 1 maýsymnan bastap 8 baldan joǵary jer silkinisi bolýy múmkin aımaqtarda 5 qabattan bıik medıtsına obektilerin jáne 9 qabattan joǵary ǵımarattardy jobalaý kezinde olardyń seısmıkalyq beriktigine qatysty qatań talap qoıylady.

Al 1 shildeden bastap qaýiptilik shkalasy boıynsha III-IV sanatqa jatqyzylǵan jerlerde salynatyn nysandardyń tirek konstrýktsııalaryna avtomatty túrde monıtorıng júrgizetin qurylǵy ornatý mindetti bolady.

Sondaı-aq 1 maýsymnan bastap qaýiptilik shkalasyna saı III-IV sanatqa engizilgen aýmaqtarda boı kóteretin ǵımarattarǵa qatty jer silkinisi kezinde gaz jáne elektr jelilerin avtomatty túrde buǵattaý júıesi ornatylýy tıis.

Buǵan qosa, 1 shildege deıin tehnıkalyq jaı-kúıi sapaǵa saı kelmeıtin qoldanystaǵy ǵımarattar men qurylys nysandaryn qalpyna keltirý boıynsha jumystar júrgiziledi.

Qaýlyda jazylǵandaı, 1 mamyrdan bastap seısmıkalyq qaýip jáne jer silkinisi týraly boljamdardyń qorytyndysyn aı saıyn jergilikti bılik organdaryna usynyp otyrý tájirıbesi engiziledi. Sonymen qatar árbir óńirde qatty jer silkinisi kezinde halyqty qutqarý jumystaryna tartylatyn eriktiler tobyn qurý isi jolǵa qoıylmaq.

Olardan bólek, jer silkinisi jaǵdaıyn zerdeleýmen aınalysatyn ınjener-ǵalymdardyń qaýymdastyǵy qurylady.