Ózbekstannyń mádenıet mınıstrine Qyrǵyzstannyń halyq ártisi ataǵy berildi

<p>BІShKEK. KAZINFORM &mdash; Búgin, 13 jeltoqsanda Qyrǵyzstan Prezıdenti Sadyr Japarov Ózbekstannyń Mádenıet mınıstri Ozodbek Nazarbekovke Qyrǵyz Respýblıkasynyń halyq ártisi qurmetti ataǵyn berdi. Bul týraly Qyrǵyzstan prezıdentiniń <a href="https://www.facebook.com/story.php?story_fbid=1102676145200352&amp;id=100063739293626&amp;mibextid=WC7FNe&amp;rdid=G5C4w74TJpOB7MAi" target="_blank" rel="noopener">baspasóz qyzmeti</a> habarlady.</p>

Memleket basshysy mádenıet — Qyrǵyzstan men Ózbekstan arasyndaǵy ortaq tarıh, til men dástúrge baılanysty dostyq qarym-qatynastardy nyǵaıtýdyń mańyzdy býyny bolyp tabylatynyn atap ótti.

— Sizdiń shyǵarmashylyq jolyńyz kópshilikti shabyttandyrady, — dedi prezıdent Ozodbek Nazarbekovke.

15 jeltoqsanda Qyrǵyz ulttyq fılarmonııasynda Nazarbekovtyń qatysýymen mýzykalyq kesh ótedi.

Ózbekstannyń Mádenıet mınıstri óz kezeginde onyń eńbegine kórsetilgen qurmet pen joǵary baǵa úshin shyn júrekten rızashylyǵyn bildirdi.

Sonymen qatar, Ozodbek Nazarbekov Ózbekstannyń halyq ártisi (2010), Túrikmenstannyń eńbek sińirgen ártisi (2020) jáne Tájikstannyń halyq hofızi (2024) ataqtaryna ıe bolǵan.

Buǵan deıin habarlaǵanymyzdaı, Qyrǵyzstanda 2025 jyldan bastap tańbalanbaǵan janarmaı aınalymyna tyıym salynady.