Ózbekstannyń Qazaqstandaǵy jańa elshisi qyzmetine kiristi

<p>ASTANA. KAZINFORM &mdash; Ózbekstannyń Qazaqstandaǵy jańa tótenshe jáne ókiletti elshisi Bahtıer Ibragımov Astanaǵa keldi, dep jazady <a href="https://uza.uz/ru/posts/novyy-posol-uzbekistana-pribyl-v-astanu_631269" target="_blank" rel="noopener">UZA</a>.&nbsp;</p>

Jańa elshiniń jasy 51-de.  

Bahtıer Ibragımov — Tashkent memlekettik ýnıversıteti shyǵystaný fakýltetiniń jáne Búkilreseılik syrtqy saýda akademııasynyń túlegi.

Eńbek jolyn 1994 jyly Ózbekstan syrtqy ekonomıkalyq baılanys mınıstrliginiń ortalyq apparatynan bastaǵan. Sol jerde jetekshi mamannan basqarma bastyǵyna deıingi mansap jolynan ótken.  

2001 jyldan bastap Bahtıer Ibragımov Ózbekstannyń AQSh-taǵy elshiliginde birinshi hatshy, sosyn saýda-ekonomıkalyq máseleler jónindegi keńesshi bolyp jumys istedi.

Elge oralǵannan keıin syrtqy ekonomıkalyq baılanys mınıstrliginiń jáne Mınıstrler kabınetiniń ekonomıkalyq qurylymdarynda jumysyn jalǵastyrdy.

2019-2022 jyldary Ózbekstannyń Birikken Arab Ámirlikterindegi elshisiniń mindetin atqardy, sondaı-aq Syrtqy ister mınıstrligi departamentiniń dırektory jáne Ózbekstan týrızm jáne mádenı mura mınıstriniń orynbasary laýazymdarynda eńbek etti. 

Buǵan deıin Ózbekstannyń Qazaqstandaǵy elshisi Saıdkarım Nııazhodjaev bolatyn, onyń qyzmeti 2018 jyldan 2024 jylǵa deıin sozyldy.