Ózbekstannyń eki óńirinde tirkeýden ótpegen qymbat dárilerdi satpaq bolǵan turǵyndar ustaldy

<p>TAShKENT. KAZINFORM &ndash; Ózbekstannyń eki óńirinde tirkeýden ótpegen jáne tıisti qujattary joq &laquo;Ampıtsıllın&raquo;, &laquo;Vıvanarın&raquo;, &laquo;Infera&raquo; jáne &laquo;Ferrovell&raquo; dári-dármekterin satpaq bolǵandar anyqtaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan Memlekettik qaýipsizdik qyzmetiniń (MQK) málimetinshe, 1999 jyly týǵan Pastdargom aýdanynyń turǵyny Qytaıda óndirilgen «S-Gen» preparatynyń 3 600 danasyn 46 mln sýmǵa (1,6 mln teńge) satyp jatqan sátinde ustalǵan. Ony tekserý barysynda azamattan atalǵan dáriniń memlekettik tirkeýden ótkeni týraly jalǵan sertıfıkaty bolǵany anyqtaldy. Sonymen qatar, onyń úıine júrgizilgen tintý nátıjesinde tıisti qujattary joq «Vıvanarın» preparatynyń 240 qaptamasy tabylǵan.

Osyndaı jaǵdaı Ferǵana oblysynda da anyqtaldy. Atap aıtqanda, 1989 jylǵy Qoqan qalasynyń turǵynynan 2 400 - «Ampıtsıllın», 1 600 - «Infera» jáne 1 600 dana «Ferrovell» dárileri tárkilendi. Ol Namanǵandaǵy dárihanalarǵa quny 121,8 mln sýmǵa (4,3 mln teńge) baǵalanǵan preparattardy jóneltý kezinde qolǵa túsken.

Farmatsevtıkalyq ónimderdiń qaýipsizdigi ortalyǵynyń qorytyndysyna sáıkes, atalǵan dári-dármekterdi satýǵa, tasymaldaýǵa jáne paıdalanýǵa tyıym salynady. Óıtkeni, olar tıisti standartqa saı saqtalmaǵan jáne sáıkestik sertıfıkattary joq.

Osy faktiler negizinde qylmystyq is qozǵalyp, tergeý amaldary júrgizilip jatyr.