Ózbekstannyń birneshe óńirinde ýran keni tabyldy

<p>TAShKENT. KAZINFORM &ndash; Ózbekstannyń 6 oblysynda ýrannyń jańa ken oryndary anyqtaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Mınıstrler Kabınetiniń qaýlysynda jazylǵandaı, «Navoıýran» memlekettik kompanııasynyń birneshe óńirde júrgizgen geologııalyq barlaý jumysynyń nátıjesinde ýrannyń perspektıvaly ken oryndary anyqtaldy.

Foto: ÓR Taý-ken ónerkásibi jáne geologııa mınıstrligi

Atap aıtqanda, metall qory Shafırkan (Buhara oblysy), Farısh (Jızaq oblysy), Qyzyltepa, Hatyrshy (Navoı oblysy), Mýbarek, Kasan (Qashqadarııa oblysy) jáne Pap aýdandarymen qatar (Namanǵan oblysy) Tashkent oblysyna qarasty Angren qalasynyń aýmaǵynda tabyldy.

Qosa ketsek, buǵan deıin Qazaqstandaǵy Úlbi metallýrgııalyq zaýyty aýmaǵynda ýrannyń shıkizat qory saqtalǵanyn habarlap edik.

Foto: ÓR Taý-ken ónerkásibi jáne geologııa mınıstrligi