Ózbekstannyń altyn valıýta rezervteri 2,37 mlrd dollarǵa qysqardy

<p>TAShKENT. KAZINFORM &ndash; Jyl basynan beri Ózbekstannyń halyqaralyq valıýta aktıvteriniń quny 2,37 mlrd dollarǵa kemidi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstannyń Ortalyq bankinen málim etkendeı, 1 naýryzdaǵy jaǵdaı boıynsha resmı rezervtik aktıvter 34,56 mlrd dollardan 32,19 mlrd dollarǵa deıin qysqarǵan. ıAǵnı, qańtar-aqpan aılarynda ol 2,37 mlrd dollarǵa azaıyp otyr.

Retteýshi organnyń málimetinshe, halyqaralyq rezervter kólemindegi ózgeris ádette qańtar-aqpan aılarynda bolatyn maýsymdyq úrdis.

«Jyl basyndaǵy mólshermen salystyrǵanda halyqaralyq rezervter kólemindegi ózgerister maýsymdyq sıpatqa ıe jáne ádette qańtar-aqpan aılarynda baıqalatyn qalypty úrdis. Sondaı-aq, bul dınamıkaǵa 2019 jyly aınalymǵa shyǵarylǵan eýrooblıgatsııalardyń bir bóligin óteý de áser etti», - dep málim etti Ortalyq bankten.

Sondaı-aq Ózbekstannyń altyn rezervteriniń quny da tómendedi. Atap aıtqanda, ol 24,63 mlrd dollardan 24,09 mlrd dollarǵa deıin arzandady.

Qosa ketsek, 2023 jyldyń qorytyndysy boıynsha Ózbekstannyń altyn valıýta rezervteri 1,2 mlrd dollarǵa kemip, eldegi qymbat metaldyń kólemi shamamen 24,8 tonnaǵa azaıǵan.

Jalpy byltyr qazan jáne qarasha aılarynda Ózbekstan altyndy kóp satqan elderdiń kóshin bastaǵan bolatyn.

Statıstıka agenttiginiń málimetinshe, ótken jyldyń 11 aıynda Ózbekstan 8,15 mlrd dollarǵa baǵalanǵan altyndy eksporttaǵan. Bul 2022 jylmen salystyrǵanda 2,3 ese kóp jáne óz kezeginde rekordtyq kórsetkish sanalady.