Ózbekstannan Qazaqstanǵa qatynaıtyn avtobýstar ýaqytsha toqtatyldy
22:35, 13 Qańtar 2023
TAShKENT. QazAqparat – Ózbekstanda halyqaralyq baǵyttar boıynsha turaqty avtobýs qatynasy ýaqytsha toqtatyldy, dep habarlaıdy QazAqparat Ózbekstan kólik mınıstrligine silteme jasap.
Ózbekstan kólik mınıstrliginiń málimetinshe, sońǵy kúnderi Qazaqstan men Reseıde baıqalǵan qatty sýyqtan joldarda kóktaıǵaq paıda bolǵan jáne onyń saldarynan jol apattarynyń kóbeıý qaýipi kúsheıgen.
«Aýa raıynyń qolaısyzdyǵyn eskere otyryp, jolaýshylar tasymalynyń qaýipsizdigin qamtamasyz etý maqsatynda 13 qańtardan bastap Ózbekstannan halyqaralyq baǵyttar boıynsha turaqty avtobýs qatynasy ýaqytsha toqtatyldy», - delingen resmı habarlamada.
Foto: mintrans.uz