Ózbekstannan Qazaqstan men Qytaıǵa qatynaıtyn jańa avtobýs reısteri ashylady

<p>ASTANA. KAZINFORM - Ózbekstannyń Kólik mınıstrligi jańa halyqaralyq avtobýs reısterin ashýdy josparlap otyr, dep habarlaıdy Kazinform agenttiginiń menshikti tilshisi.</p>

Vedomstvonyń málimetinshe, Qaraqalpaqstan men Qytaıdyń Shyńjań-Uıǵyr avtonomııalyq óńirin baılanystyratyn marshrýt iske qosylady. Ol Núkis - Úrgenish - Buhara - Úrimshi baǵytymen qatynaıdy.

Sonymen qatar Qazaqstanǵa myna baǵyttar boıynsha avtobýs reısteri uıymdastyrylady:

Buhara - Túrkistan;

Úrgenish - Aqtaý;

Ferǵana - Almaty (Tájikstan aýmaǵy arqyly).

Munymen birge, Reseıge qatynaıtyn jańa marshrýttar ashylady:

Tashkent - Ýfa;

Tashkent - Krasnodar;

Núkis - Krasnodar;

Úrgenish – Núkis - Ýfa;

Surhandarııa – Buhara – Úrgenish – Núkis - Máskeý.

Buǵan deıin habarlaǵanymyzdaı, Qazaqstan men Ózbekstandy baılanystyratyn jańa temirjol jelisi salynyp jatyr.

Eske salaıyq, taıaýda prezıdent Shavkat Mırzıeev Qazaqstan men Ózbekstan shekarasynan jeke kýálikpen ótý tártibi engizilýi múmkin ekenin málim etti.