Ózbekstanmen shekarada 1 mln teńgeniń «Tramadol» dárisin alyp ótpek bolǵandar ustaldy

NUR-SULTAN. QazAqparat – Túrkistan oblysyndaǵy «Saryaǵash» temir jol ótkizý pýnktinde quny 1 mln teńgeden asatyn «Tramadol» medıtsınalyq preparatyn zańsyz alyp ótpek bolǵandar ustaldy, dep habarlaıdy QazAqparat QR UQK baspasóz qyzmetine silteme jasap.

«7 qyrkúıekte shekarashylar Túrkistan oblysy «Saryaǵash» temir jol ótkizý pýnktinde quny 1 mln teńgeden asatyn «Tramadol» medıtsınalyq preparatynyń 690 tabletkasyn zańsyz alyp ótý áreketiniń jolyn kesti. Atalǵan dárilik zattar Ózbekstan Respýblıkasyna baǵyt alǵan júk vagondarymen ótkizilmek bolǵan. Shekarashylardyń qyraǵylyǵy jáne arnaıy úıretilgen «Kaıla» atty ıttiń kómegimen kontrabandalyq júk anyqtaldy», - delingen resmı habarlamada.

Qylmystyq is qozǵalyp, tergeý amaldary júrgizilip jatyr.