Ózbekstanmen aradaǵy shekara mańynda toqyma óndirisi ashylady

<p>ASTANA. KAZINFORM &ndash; Úkimet otyrysynda Saýda jáne ıntegratsııa mınıstri Arman Shaqqalıev Ózbekstanmen shekaradaǵy ortalyq bazada toqyma óndirisi ashylatynyn aıtty.&nbsp;</p>

- «Ortalyq Azııa» halyqaralyq óndiristik kooperatsııa ortalyǵy óńirdegi eń iri júk aǵyndaryn konsolıdatsııalaý, óńdeý jáne taratý, «Soltústik – Ońtústik» dálizi aıasynda óndiristik kooperatsııany damytý ortalyǵy bolady. Ortalyq «Atameken» (Qazaqstan) jáne «Gýlıstan» (Ózbekstan) baqylaý-ótkizý beketterine jaqyn ornalasady jáne óndiristik alańdardan, saqtaý qoımalarynan, kólik ınfraqurylymynan turady. Bul júk tasymaldaýdy jyldamdatýǵa, logıstıkalyq shyǵyndardy azaıtýǵa, jetkizý tizbegindegi qatysýshylar sanyn qysqartýǵa, ónimniń sońǵy tutynýshy úshin qunyn tómendetýge jáne jetkizilimderdiń jyldamdyǵyn arttyrýǵa múmkindik beredi, - dedi Arman Shaqqalıev. 

Sondaı-aq ol ortalyq bazasynda «Global Textile» kompanııasynyń daıyn toqyma jobasy iske asatynyn aıtty.

- «Ortalyq Azııa» halyqaralyq óndiristik kooperatsııa ortalyǵynyń qurylýy shekara mańyndaǵy eldermen ekijaqty saýda-ekonomıkalyq qatynastardyń odan ári artýyna oń áserin tıgizip, eki eldiń óndirýshileri men kásipkerleri arasynda iskerlik baılanystardy jandandyrady. Óz kezeginde, aradaǵy taýar aınalymdy aldaǵy 5 jylda 10 mıllıard dollarǵa deıin arttyrýǵa yqpal etedi, - dedi mınıstr.