Ózbekstanda munaı ónimderi, gaz, kómir, elektr energııasy ımporty kúrt ósken

<p>TAShKENT. KAZINFORM &ndash; Ózbekstanda ımport ekinshi aı qatarynan azaıyp, 2023 jyldyń shildesinen bergi eń tómengi deńgeıge túsken. Soǵan qaramastan qańtar-sáýir aılary aralyǵynda munaı ónimderi, gaz, kómir, elektr energııasy, kókónister men jemis-jıdekter, sondaı-aq avtokólik ımporty artty, dep habarlaıdy Kazinform Ózbekstan Respýblıkasy Prezıdenti janyndaǵy <a href="https://stat.uz/ru/press-%D1%86entr/novosti-goskomstata/53799-vne%D1%88netorgovyj-oborot-respubliki-uzbekistan-za-%D1%8Fnvar-2024-g-5" target="_blank" rel="noopener">statıstıka agenttigine</a> silteme jasap.</p>

2024 jyldyń qańtar-sáýir aılarynda Ózbekstannyń syrtqy saýda aınalymy 20,87 mlrd dollardy qurady, bul 2023 jyldyń sáıkes kezeńimen salystyrǵanda 1,16 mlrd dollarǵa nemese 5,9%-ǵa artyq.

Altyndy qosqanda eksport 9%-ǵa ósip, 8,49 mlrd dollarǵa deıin, altyndy qospaǵanda 5,07 mlrd dollarǵa (+7,1%), al ımport 12,4 mlrd dollarǵa (+3,9%) ósti.

Syrtqy saýda tapshylyǵy azdap tómendep, 3,89 mıllıard dollardy qurady, bul 2023 jylǵy kórsetkishten 238 mıllıon dollarǵa az.

Eldi energııa resýrstarymen qamtamasyz etý sharalary kúrt artýyna qaramastan, ımport ekinshi aı qatarynan qysqardy. Sáýirde ımport 2,94 mlrd dollardy, naýryzda – 3,15 mlrd dollardy, aqpanda – 3,2 mlrd dollardy qurady. Bul 2023 jyldyń shildesinen bergi eń tómengi kórsetkish (2,99 mıllıard dollar). Sonymen birge bul soma 2023 jyldyń sáýirindegi ımporttan (2,82 mlrd dollar) joǵary.