Ózbekstanǵa ákelinetin kóliktiń basym bóligi Qytaıdan ımporttalady
23:15, 03 Aqpan 2023
TAShKENT. ÓzA -QazAqparat - 2022 jyly Ózbekstanǵa ákelingen avtokóliktiń basym bóligi Qytaıdan ımporttalǵan. Bul týraly QazAqparat ÓzA silteme jasap habarlaıdy.
Ózbekstannyń statıstıka agenttiginiń málimetine sáıkes, 2022 jyly Ózbekstanǵa álemniń 34 memleketinen kólik ákelingen. Eń kóp kólik ákelgen elderdiń ishinde Qytaı birinshi orynda– 11 159 kólik.
Odan keıingi oryndarda sáıkesinshe 9 414 jáne 7 208 kólik ákelgen Koreıa men Qazaqstan tur.
Sondaı-aq, bul tizimde Reseı (1499), AQSh (555), Japonııa (157), BAÁ (128) jáne Germanııa (125) elderi bar.