Ózbekstandyqtar 100%-ǵa derlik koronavırýsqa qarsy vaktsınanyń birinshi dozasyn saldyrǵan

TAShKENT. QazAqparat – Ózbekstanda koronavırýsqa qarsy vaktsınanyń birinshi dozasyn 21,3 mln adam, ıaǵnı eldiń eresek turǵyndarynyń 99,4%-y saldyrǵan, dep habarlaıdy QazAqparat menshikti tilshisi.

Ózbekstan Respýblıkasy Densaýlyq saqtaý mınıstrliginiń málimetinshe, qazirgi tańla elde vaktsınanyń 72,6 mln dozasy egilgen. Onyń ishinde 21,3 mln adamǵa birinshi doza, 18,5 mln adamǵa ekinshi doza, 11,1 mln adamǵa úshinshi komponent (ZF-UZ-VAC2001 qytaı-ózbek vaktsınasy úsh dozamen engiziledi) salynǵan. Býsterlik dozamen 21,6 mln ózbekstandyq vaktsınalanǵan.

«Birinshi dozany saldyrǵandar kórsetkishi josparly vaktsınalaýmen salystarǵanda – 99,4%», - dep habarlady Ózbekstan Respýblıkasy Densaýlyq saqtaý mınıstrligi.

Vedomstvo 12-18 jas aralyǵyndaǵy jasóspirimderdi vaktsınalaý úshin 2,5 mln astam vaktsına dozasy paıdalanylǵanyn, onyń ishinde birinshi dozany 1,1 mln bala, ekinshi dozany 994 myń bala jáne býsterlik dozany 361 myń jasóspirim saldyrǵanyn aıtty.

Buǵan deıin Ózbekstanda vaktsınatsııa naýqany ótken jyldyń 1 sáýirinde bastalǵany habarlanǵan bolatyn. Vaktsınatsııa AstraZeneca, ZF-UZ-VAC2001, «Spýtnık-V», Moderna, Pfizer jáne Sinovac preparattarymen júrgiziledi. Respýblıkada 2021 jylǵy 3 tamyzda jumys isteıtin turǵyndardy mindetti vaktsınalaýdyń quqyqtyq negizin bekitetin zań qabyldandy.