Ózbekstandyq áıel 914 kún boıy Qazaqstanda zańsyz júrgen
11:39, 07 Shilde 2015
ASTANA. QazAqparat - Jambyl oblysyndaǵy Shekara qyzmetiniń "Aısha-bıbi - avtomobıldik» baqylaý-ótkizý beketiniń (qazaq-qyrǵyz shekarasy) narıady Qazaqstannyń kóshi-qon zańnamasyn buzǵan 50 jastaǵy Ózbekstan azamatshasyn ustady.
Bul týraly QR UQK Shekara qyzmetiniń baspasóz qyzmeti habarlady.
Elimizden Qyrǵyz Respýblıkasyna jaıaýlatyp ketip bara jatqan azamatshanyń qujattaryn teksergende onyń Qazaqstanda 914 kún boıy zańsyz júrgendigi anyqtaldy.
Atalǵan derekke qatysty materıaldar QR Ákimshilik-quqyqbuzýshylyq kodeksiniń 514-babynyń 4-tarmaǵy boıynsha Taraz qalasynyń kóshi-qon polıtsııasynyń qyzmetkerlerine berildi.