Ózbekstandyqtardyń ortasha jalaqysy - 370 dollar

<p>TAShKENT. KAZINFORM &ndash; 2023 jyldyń qorytyndysy boıynsha Ózbekstandaǵy nomınaldy ortasha aılyq jalaqy 4,5 mln sýmǵa ($370) teń, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi Álıhan Asqar.</p>

Ózbekstan Statıstıka agenttiginiń málimetinshe, byltyr ortasha jalaqy mólsheri 7,2 paıyzǵa ósken.

Óńirler arasynda eń kóp eńbekaqy Tashkent qalasynda (7,45 mln sým) tirkeldi. Sondaı-aq, Navoı (5,88 mln sým) jáne Tashkent oblystarynda (4,52 mln sým) jalaqy joǵary. Al eń tómengi aılyq Namanǵan (3,31 mln sým), Qashqadarııa (3,36 mln sým) jáne Surhandarııa (3,37 mln sým) óńirlerinde.

Salalar boıynsha joǵary eńbekaqy bank-qarjy sektorynda - 13,3 mln sým. Kelesi oryndarda aqparat jáne baılanys (10,6 mln sým), kólik-logıstıka (6,9 mln sým) jáne ónerkásip salalary (5,6 mln sým) tur.

Eń tómengi tabys densaýlyq saqtaý jáne áleýmettik qyzmetter salalarynda tirkeldi. Onda aılyq kólemi 3-3,7 mln sým aralyǵynda.

Qosa keteıik, Numbeo resýrsynyń reıtıngisine saı, Qazaqstandaǵy ortasha aılyqtyń kólemi - 585 dollar. Mundaı kórsetkishpen Qazaqstan tizimge engen 97 eldiń ishinde 61-orynda tur.