Ózbekstandaǵy gaz ken oryndarynda qor azaıyp, ónim óndirý tómendedi

TAShKENT. ÓzA-QazAqparat - Ózbekstandaǵy gaz ken oryndarynda tabıǵı gaz óndirý kólemi azaıyp keledi. Bul týraly QazAqparat ÓzA silteme jasap habarlaıdy.

Ózbekstannyń energetıka mınıstrliginiń habarlaýynsha, 2021 jyly 200 mıllıon tekshe metr tabıǵı gaz jospardan kem óndirildi, al 2022 jyldyń 11 aıynda tabıǵı gaz jospardan 5 paıyzǵa kem óndirilgen.

«Ýzbekneftgaz» AQ-ǵa qarasty gaz ken oryndarynda tabıǵı gaz táýligine jospardan 7,1 paıyzǵa az óndirilgen. Onyń negizgi sebepteri – gaz ken oryndaryndaǵy tabıǵı gaz qorynyń azaıýy jáne ken oryndarynda apattardyń oryn alýy.

Búgingi kúni qabyldanǵan sharalarǵa qaramastan, aýa temperatýrasynyń kenet salqyndaýyna baılanysty qubyrlardaǵy gaz qysymynyń tómendeýi baıqalady. Óndiriletin kógildir otyn ishki tutynýǵa, atap aıtqanda, turǵyn úıler men áleýmettik nysandar men jylý elektr stantsııalaryna jiberiledi», delingen habarlamada.

Buǵan deıin, Tashkentte avtokólikterge gaz quıý beketteri ýaqytsha jabylǵany týraly habarlandy.

Foto: uza.uz