Ózbekstandaǵy aldyńǵy qatarly saıtty qazaq jigitteri jasaǵan
14:07, 22 Qańtar 2013
ASTANA. 22 qańtar. QazAqparat - Ózbekstanda qazir nómiri birinshi orynda turǵan ınternet-portalyn qazaqstandyq jigitter jasap, júrgizip otyr.
Bul týraly búgin Astanada ótip jatqan qazaq saıttary redaktorlarynyń konferentsııasynda CNP Processing GmbH ınternet protsessorynyń bas menedjeri, «Award.kz» Ulttyq ınternet syılyǵy» qoǵamdyq qorynyń dırektory Konstantın Gorojankın aıtty.
«Ózbekstanda qazir birinshi orynda kele jatqan ınternet-portaldy jasaýshylar ózimizdiń qazaqstandyq jigitter. Olardyń Qazaqstanda jasaǵan «Nur.kz» jobasy da elimizde úlken aýdıtorııa jınady», - dedi ol.
Onyń aıtýynsha, «Nur.kz» jobasy jemisti bolǵandyqtan, onyń jasaýshylary dál osy jobany basqa elderde de synap kórgen. Ázirge ol synaqtary sátti ótip jatqan kórinedi.