Ózbekstandaǵy parlament saılaýynyń aldyn ala qorytyndysy jarııalandy

<p>TAShKENT. KAZINFORM &ndash; Ózbekstanda ótken parlament saılaýynda 19,9 mln saılaýshynyń 74,72% daýys berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ortalyq saılaý komıssııasynyń aldyn ala qorytyndysyna saı, Zań shyǵarý palatasyndaǵy (parlamenttiń tómengi palatasy) jalpy sany 150 orynnyń 64-in Ózbekstannyń lıberaldyq-demokratııalyq partııasy ıelendi.

Foto: Ózbekstannyń Ortalyq saılaý komıssııasy

Al «Mıllı tıklanısh» («Ulttyq jańǵyrý») demokratııalyq partııasy 29 mandat alsa, «Adolat» («Ádilet») sotsıal-demokratııalyq partııasynan 21 depýtat saılanady. Sonymen qatar, Halyqtyq-demokratııalyq partııasynan - 20 adam, Ózbekstannyń ekologııalyq partııasynan 16 azamat depýtat atanady.

Foto: Ózbekstannyń Ortalyq saılaý komıssııasy

Eske salaıyq, keshe Ózbekstanda parlament saılaýy ótti. Bıyl saılaý tuńǵysh ret proportsıonaldy-majorıtarlyq júıe negizinde uıymdastyryldy.

Foto: Ózbekstannyń Ortalyq saılaý komıssııasy

Sonymen qatar, saılaý kúni túrli sebepterge baılanysty turǵylyqty mekenjaıynda bola almaıtyn turǵyndar úshin 16-23 qazan aralyǵynda merziminen buryn daýys berý uıymdastyryldy. Onda 1 mıllıonnan astam saılaýshy óz tańdaýyn jasady.

Buǵan deıin habarlaǵanymyzdaı, Ózbekstandaǵy parlament saılaýynda keıbir ýchaskelerge elektrondyq daýys berý júıesi engizildi.