Ózbekstandaǵy parlament saılaýynda qansha azamattyń daýys bergeni belgili boldy

<p>TAShKENT. KAZINFORM &ndash; Saǵat 11.00-degi málimetke saı, Ózbekstanda ótip jatqan parlament saılaýynda azamattardyń 29,58% daýys berdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ortalyq saılaý komıssııasynan málim etkendeı, qamtylyp otyrǵan aralyqta saılaýshylar tizimine engen 19,9 mıllıonnan astam ózbekstandyqtyń 5,9 mıllıony óz tańdaýyn jasady. Onyń ishinde Ferǵana (34,9%), Horezm (33,2%) jáne Andıjan (33%) oblystarynda daýys bergenderdiń úlesi basym.

Shet elderde ornalasqan saılaý ýchaskeleride daýys bergender týraly derek 28 qazanda jarııalanady. 

Foto: Ózbekstannyń Ortalyq saılaý komıssııasy

Eske salaıyq, búgin Ózbekstanda Zań shyǵarý palatasyna (parlamenttiń tómengi palatasy) jáne oblys, qala men aýdan kengashtarynyń depýtattaryn saılaý ótip jatyr. Daýys berý 20:00-ge deıin jalǵasady.

Bıyl parlament saılaýy tuńǵysh ret proportsıonaldy-majorıtarlyq júıemen ótedi.

Sonymen qatar, saılaý kúni túrli sebepterge baılanysty turǵylyqty mekenjaıynda bola almaıtyn turǵyndar úshin 16-23 qazan aralyǵynda merziminen buryn daýys berý uıymdastyryldy. Onda 1 mıllıonnan astam saılaýshy óz tańdaýyn jasady.

Eske salsaq, parlament saılaýyna 5 partııa qatysyp jatyr: Ózbekstannyń lıberaldyq-demokratııalyq partııasy, Ózbekstannyń ekologııalyq partııasy, Halyqtyq-demokratııalyq partııa, «Mıllı tıklanısh» demokratııalyq partııasy jáne «Adolat» sotsıal-demokratııalyq partııasy.

Buǵan deıin habarlaǵanymyzdaı, Ózbekstandaǵy parlament saılaýynda keıbir ýchaskelerge elektrondyq daýys berý júıesi engizildi.