Ózbekstandaǵy qazaq tilinde shyǵatyn «Dıdar» baǵdarlamasyna 60 jyl toldy

<p>Tashkent qalasynda Ózbekstan ulttyq teleradıokompanııasynyń kórermender nazaryna qazaq tilinde usynylatyn &laquo;Dıdar&raquo; baǵdarlamasynyń qurylǵanyna 60 jyl tolýyna oraı saltanatty shara ótti, dep habarlaıdy <a href="Kazinform" target="_blank" rel="noopener">Kazinform </a>Ózbekstan Respýblıkasy Mádenıet mınıstrliginiń baspasóz qyzmetine silteme jasap.</p>

Saltanatty sharada memlekette 130-dan astam ult pen ulys ókilderi qatarynda qazaq ultynyń azamattary bir-birimen tatý-tátti ómir súrip, eldiń damýyna laıyqty úles qosyp jatqany, Ózbekstandaǵy qazaq ulttyq mádenı ortalyǵynyń nátıjeli jumystary erekshe atalyp ótti.

Bul turǵyda júrgizilgen reformalardyń nátıjesin kórsetýde «Dıdar» baǵdarlamasynyń alatyn orny erekshe.

Mereıtoıǵa oraı Ózbekstan Respýblıkasy Mádenıet mınıstriniń buıryǵyna sáıkes, bir top óner qaıratkerleri “Madanııat va sanat fıdokorı” tósbelgisimen marapattaldy. Mádenıet mınıstriniń keńesshisi Shavkat Artyqov marapattardy ıelerine saltanatty túrde tabys etti.

Shara aıasynda Mádenıet mınıstrligi janyndaǵy Halyqaralyq qatynastar jáne shet eldermen dostyq komıteti, Ózbekstandaǵy qazaq ulttyq mádenı ortalyǵymen birlesip, kórermenderge jas ónerpazdardyń poezııalyq keshi men kontserttik baǵdarlamasyn usyndy.