Ózbekstanda jumys berýshiler qyzmetkerlerin jyl saıyn týrıstik saparmen qamtamasyz etedi

TAShKENT. QazAqparat – Ózbekstanda týrızm salasyn strategııalyq deńgeıge kóterý úshin jumys berýshiler óz qyzmetkerlerin kóbirek saıahattaýǵa yntalandyrady. Tıisti sharalar Ózbekstan prezıdentiniń «Іshki týrızm qyzmetterin ártaraptandyrý jónindegi qosymsha sharalar týraly» Jarlyǵynda kózdelgen, dep habarlaıdy QazAqparat.

«Jumys berýshilerdiń bıylǵy maýsymnan bastap «Ózbekstanda saıahatta!» baǵdarlamasy aıasynda ujymdyq sharttarǵa qyzmetkerlerdiń jylyna bir ret jergilikti saparǵa shyǵýyna múmkindikter jasaý erejelerin engizetin tártip belgilensin; sapar shyǵyndarynyń bir bóligi jumys berýshilerdiń bıýdjetten tys qarajaty jáne zańnamada tyıym salynbaǵan ózge de kózder esebinen óteledi», - delingen qujatta.

Sondaı-aq qaýlyda ártúrli jastaǵy jáne halyqtyń áleýmettik osal toptary úshin týrızmniń jekelegen túrlerin qadaǵalaıtyn mınıstrlikter men vedomstvolardyń tizimi bekitildi.

Osylaısha, jastarǵa arnalǵan tarıhı-tanymdyq, mádenı-saýyq, ekstremaldy, ekologııalyq, etnıkalyq jáne jaǵajaı týrızmin uıymdastyrýǵa eldiń Jastar isteri agenttigi, Joǵary jáne orta arnaýly bilim mınıstrligi men Halyqqa bilim berý mınıstrligi belgilengen.

«Jaýapty uıymdar jumys berýshilermen birlese otyryp, jyl saıyn óz aýmaqtaryndaǵy jumyskerlerdiń respýblıka boıynsha sapar kestesin bekitýdi jáne jol júrýin júzege asyrýdy qamtamasyz etsin», - delingen qaýlyda.

Sonymen qatar, 1 qyrkúıekten bastap respýblıkada otandyq týrıster úshin keshbek engizildi. Eldi aralaıtyn ózbekstandyqtarǵa áýe, temirjol jáne avtobýs bıletteri qunynyń 15%-y, qonaqúıde turý qunynyń 20%-y jáne teatrlarǵa, murajaılarǵa, tsırkterge jáne óner galereıalaryna bıletter qunynyń 50%-y qaıtarylady.