Ándijan oblysy Shahrıhon aýdanynda kólik artyndaǵy júktiń betin jabý úshin memlekettik týdy paıdalanǵan júrgizýshige 1 mıllıon sýmnan astam aıyppul salyndy, dep habarlaıdy Kazinform Ándijan oblysy ákimdiginiń baspasóz qyzmetine silteme jasap.
Qarasha aıynyń sońynda Labo júrgizýshisiniń júksalǵyshqa tıelgen júkti jalaýmen bekitken sýreti áleýmettik jelilerde taraǵan bolatyn.
Oblystyq polıtseıler bul kóliktiń Shahrıhon aýdanynyń turǵynyna tıesili ekenin anyqtady. Ándijan oblysy Jol qozǵalysy qaýipsizdigi qyzmeti júrgizýshige aýdandyq sot qylmystyq ister boıynsha zańdy shara qoldanǵanyn habarlady.
Oǵan Ákimshilik jaýapkershilik kodeksiniń 203-1-babynyń 1-bóligi boıynsha (memlekettik rámizder týraly zańnamany buzý) 1 mıllıon 20 myń sým (37 800 teńge) kóleminde aıyppul salyndy.
Jarasqan Nurybaev
Nurybaev Jarasqan Beknazaruly
1990 jyldyń 12 qańtarynda Ózbekstan Respýblıkasynda týǵan.
"Nızamı" atyndaǵy Tashkent Memlekettik Pedagogıka Ýnıversıtetiniń túlegi.
Gazet jáne telearnalarda tilshi ári telejúrgizýshi qyzmetin atqarǵan.
Birneshe Halyqaralyq aqyndar músháırasynyń júldegeri.
Qazirgi tańda QR Prezıdentiniń Teleradıokesheninde "Qazaqparat" HAA shyǵarýshy redaktory