Ózbekstanda júk tıelgen 7 vagon relsten shyǵyp ketti

<p>TAShKENT. KAZINFORM &ndash; Ózbekstannyń Tashkent oblysynda júk vagondary relsten shyǵyp ketti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

«Ýzbekıston temır ıýlları» kompanııasynan málim etkendeı, oqıǵa 18 mamyr kúni bolǵan. «BN Grain and Oil Group» kásiporynynyń qyzmetkerleri vagondaǵy júkti qabyldap alý sátinde temirjol qurylǵysyn qoldaný erejesin saqtamaǵan.

«Vagondardaǵy júkti túsirý kezinde kásiporynnyń qyzmetkerleri tıisti talaptardy saqtamaǵan. Atap aıtqanda, olar arnaıy arqannyń kómegimen vagondardy súıremek bolǵan. Nátıjesinde arqan ilinip turǵan qurylǵydan shyǵyp ketip, vagondar óz epkinimen júrip ketken», - dep oqıǵanyń mán-jaıyn túsindirdi «Ýzbekıston temır ıýlları» kompanııasynan.

Jumysshylar vagondardy toqtatýǵa tyrysqanymen, olardyń ekeýi relsten shyǵyp ketken, taǵy beseýi búıirine qulaǵan.