Ózbekstanda júgeriniń 33 santımetrlik jańa sorty shyqty

<p>TAShKENT. KAZINFORM &ndash; Ýkraınalyq selektsıonerler Ózbekstan dıqandarynyń talaptaryn eskere otyryp, jańa &laquo;Romeo&raquo; tátti júgeri sortyn ósirip, shyǵardy. Bul jańa sort uzyn dándi, jaqsy jaǵdaıda shamamen 33 santımetrge deıin ósedi, dep jazady <a href="https://uza.uz/uz/posts/makkazhoxorining-yangi-navi-yaratildi_655820" target="_blank" rel="noopener">UzA</a> agenttigi.</p>

«Romeo» sorty Ózbekstanda qurǵaqshylyqqa tózimdi, ónimdiligi joǵary tátti júgeri túri retinde tańdalǵan. Sonymen qatar, ýkraındyq selektsıonerler qurǵaqshylyqqa tózimdi «Djamala» sortyn da shyǵarǵan.

Al, «Romeonyń» ereksheligi – bul eń uzyn sort. Qurǵaqshylyqqa tózimdi sorttar fermerlerge egindi turaqty ósirý múmkindigin beredi, bul klımattyń ózgerýi jaǵdaıynda ásirese mańyzdy.

Ózbekstannyń keıbir aımaqtaryna beıimdelgen bul sorttardyń sýdy az paıdalaný múmkindigi bar.

Dıqandar egis alqabyna qurǵaqshylyqqa tózimdi sorttardy egip, ónimin arttyryp, sýdy únemdeı alady. Sonyń ishinde «Romeo» sorty aýyl sharýashylyǵyna óte qolaıly daqyl, delingen habarlamada.

Osyǵan deıin Qazaqstan men Ózbekstan Aqtaý teńiz portynda birlesken jobalardy iske asyrǵaly jatqanyn jazdyq.