Ózbekstanda JOO-lardy iri qalalardyń shetine kóshirý josparlanýda

TAShKENT. ÓzA-QazAqparat – ÓR Ekonomıkalyq damý jáne kedeılikti tómendetý mınıstrligi Mınıstrler kabınetiniń 2020-2025 jyldarda iri qalalardy damytý jónindegi sharalar baǵdarlamasy týraly qaýlysynyń jobasyn talqylaýǵa usyndy, dep habarlaıdy QazAqparat ÓzA agenttigine silteme jasap.

Onda 2020-2025 jyldardar aralyǵynda iri qalalardaǵy qala qurylysynyń negizgi tujyrymdamalyq baǵyttary kórsetilgen. Sondaı-aq iri qalalardaǵy ýrbanızatsııa protsesterin odan ári qarqyndatý halyqtyń áleýmettik-ekonomıkalyq ómir súrý deńgeıin odan ári jaqsartýǵa kómektesetini jaıly aıtylǵan.

Atap aıtqanda, «Stýdentter qalashyǵyn» qalyptastyrý úshin jumys istep turǵan ýnıversıtetterdi iri qalalardyń shetine kóshirý jáne sol jerde jańa joǵary oqý oryndaryn salý boıynsha sharalar qabyldaý josparlanýda.

Sonymen qatar, mektepke deıingi bilim berý mekemelerin (MBM) qaıta jóndeýden ótkizý jáne halyqtyń ósý qarqynyn eskere otyryp, olardy bolashaqta jańa MBM-men qamtý josparlanýda.