Ózbekstanda jynystyq sıpattaǵy qylmystar úshin 666 adam jaýapqa tartyldy

<p>TAShKENT. KAZINFORM &ndash; Byltyr Ózbekstanda jynystyq qol suǵý qylmystaryna qatysy bar 666 adamǵa túrli jaza kesildi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan Joǵarǵy sotynyń baspasóz qyzmetinen atap ótkendeı, 2023 jyly ÁQBtK-niń 41-1-baby (jynystyq sıpattaǵy qylmystar) boıynsha 666 adam ákimshilik jaýapqa tartyldy.

Onyń ishinde 233 adamǵa aıyppul salynsa, 433 azamat ákimshilik qamaýǵa alynǵan.

«Ózbıýkstan Qylmystyq kodeksiniń 141-3 baby boıynsha (jeke adamnyń ar-namysy men qadir-qasıetine nuqsan keltirý jáne ıntımdik málimetterdi jarııa etý) 48 adam sottaldy. Onyń jeteýine — bas bostandyǵynan aıyrý, al 41-ine — bas bostandyǵynan aıyrýmen baılanysty emes jaza belgilendi», — dep málim etti Joǵarǵy sottyń baspasóz qyzmetinen.

Qosa ketsek, QR-daǵy Adam quqyqtary jónindegi ýákil Artýr Lastaevtyń málimetinshe, álemdegi 736 mln áıeldiń úshten biri jynystyq zorlyq-zombylyqqa ushyraıdy.