Ózbekstanda jyldamdyqty asyrǵan Olımpıada chempıonyna aıyppul salyndy

<p>TAShKENT. KAZINFORM &ndash; Ózbekstanda el arasynda Parıj Olımpıadasynyń chempıony Asadqoja Moıdınhojaevtyń prezıdent syıǵa tartqan Tahoe kóligimen 110 km/saǵ jyldamdyqpen kele jatqan vıdeosy tarqady. Bul vıdeony sportshynyń ózi Instagram paraqshasynda jarııalaǵan. Beıne keıinirek joıyldy, dep jazady <a href="https://www.xabar.uz/hodisa/asadxoja-moydinxojaevga-jarima-yozildi" target="_blank" rel="noopener">Xabar.uz</a> saıty.</p>

Bul jaǵdaı áleýmettik jelilerde keńinen talqyǵa túsken soń, Tashkent qalalyq ІІBB Jol qozǵalysy qaýipsizdigi basqarmasy sportshyǵa aıyppul salynǵanyn habarlady.

Jyldamdyqty shekten asyrǵan Tahoe júrgizýshisine shara qoldanylǵan.

– Áleýmettik jelide Tahoe kóliginiń júrgizýshisiniń qatty jyldamdyqpen (110 km/saǵ) kele jatqany beınelengen vıdeo taraǵannan keıin, Tashkent qalasy IIBB qyzmetkerleri 2001 jyly týǵan júrgizýshi M.A.-ǵa qatysty Ózbekstan Respýblıkasy Azamattyq kodeksine sáıkes ákimshilik hattama toltyryp, profılaktıkalyq is-shara júrgizdi, – delingen habarlamada.

Eske salaıyq, Olımpıada chempıondaryna 200 myń AQSh dollary, Tahoe kóligi men eki qabatty kottedj syıǵa tartylǵan.