Ózbekstanda vaktsınalaýdyń alǵashqy aıynda 800 myńǵa jýyq adamǵa ekpe salyndy
Ózbekstan respýblıkasy Densaýlyq saqtaý mınıstrliginiń málimetine sáıkes, 1 mamyrdaǵy jaǵdaı boıynsha, elde 797 781 adamǵa ekpe salynǵan. Aımaqtar arasynda Ferǵana oblysy kósh bastap tur: onda 117 843 adamǵa vaktsına egildi. Odan keıin tizimde Namanǵan oblysy (84 874 adam), Ándıjan oblysy (82 268 adam) jáne Samarqan oblysy (77 364 adam) tur.
Eske sala ketsek, Ózbekstanda vaktsınalaý naýqany 1 sáýirde bastalǵan. Turǵyndardy vaktsınalaýmen qamtý birtindep keńeıtilýde: sáýirde iri qalalarda júrgizilse, mamyr aıynda aýdan ortalyqtary men iri qalalarda, al maýsymda – aýyldyq jerlerde jalǵasady.
Vaktsınalaý úsh preparat – eýropalyq AstraZeneca, qytaı-ózbek taraptary birlesip shyǵarǵan ZF-UZ-VAC2001 jáne Reseıdiń «Spýtnık-V» vaktsınasy arqyly jasalyp jatyrn. Úsh aıdyń ishinde Ózbekstan 4 mıllıonnan astam adamǵa ekpe salýdy josparlap otyr. Bul maqsatta elde vaktsınalaýdyń 3 138 pýnkti men 862 mobıldi brıgadasy quryldy.