Ózbekstanda vaktsınatsııa naýqany bastalǵaly 2 mln doza ekpe salyndy

TAShKENT. QazAqparat – Ózbekstanda COVID-19 vırýsyna qarsy vaktsınalaý naýqany bastalǵaly ekpeniń eki mıllıon dozasy paıdalanyldy, dep habarlaıdy QazAqparat Ózbekstan Respýblıkasy Densaýlyq saqtaý mınıstrligine silteme jasap.

Vedomstvonyń málimetinshe, 1 maýsymdaǵy jaǵdaı boıynsha, elde vaktsınanyń 2 069 518 dozasy qoldanyldy. Keshe 119 120 azamat ekpe jasatty.

Bul rette vaktsınanyń birinshi dozasyn 1 354 785 adam salǵyzǵan, vaktsınanyń ekinshi jáne úshinshi komponentin (ZF-UZ-VAC2001 qytaı-ózbek vaktsınasy úsh dozamen engiziledi) tıisinshe 714 239 jáne 494 ózbek azamaty ektirdi.

Rekordty Ferǵana oblysy ornatqan, onda dúısenbi kúni 14 400-den astam adam ekpe saldyrǵan.

Osylaısha, aımaq vaktsına alǵandar sany jaǵynan kósh bastap tur (268 706 adam).

Reıtıngtiń ekinshi ornynda Namanǵan oblysy tur – keshe onda 14 107 adam vaktsınalanǵan. Aımaqta barlyǵy 244 230 ekpe jasady.

Úshinshi orynda – Ándijan oblysy (barlyǵy 235 031 adam ekpe saldyrdy).

Eske sala ketsek, Ózbekstan elinde ekpe salý naýqany 1 sáýirde bastalǵan.

Vaktsınalaý úsh preparatpen júzege asyrylýda: eýropalyq AstraZeneca vaktsınasy, Qytaı men Ózbekstannyń birigip shyǵarǵan ZF-UZ-VAC2001 vaktsınasy jáne reseılik «Spýtnık-V».

Elde úsh aıdyń ishinde 4 mıllıonnan astam adamǵa ekpe jasatý josparlanyp otyr.