Ózbekstanda Ulttyq gvardııanyń tekserýinen keıin sabaqqa barmaıtyn oqýshylar sany kúrt qysqarǵan

<p>TAShKENT. KAZINFORM &ndash; Ózbekstanda balasynyń sabaqqa qatyspaı júrgenin qadaǵalamaǵan 124 myń ata-anaǵa eskertý berilip, 4 myńy ákimshilik jaýapqa tartyldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi.</p>

Ózbekstan Ulttyq gvardııasynyń baspasóz hatshysy Davron Djýmanazarovtyń málimetinshe, bir aıdan beri júrgizilip kele jatqan vedomstvonyń tekserý sharalarynan keıin sabaqqa barmaı júrgen 1,77 mln oqýshy mektepke qaıtarylǵan.

«Mysaly, Qashqadarııa oblysyn alaıyq: ótken aptada biz syrqattanyp jatyr degen sebeppen sabaqtan qalǵan balalardyń úıin araladyq. Onyń nátıjesinde 50 balanyń saý ekeni jáne sebepsiz mektepke barmaı júrgeni anyqtaldy», - dedi Davron Djýmanazarov.

Onyń sózinshe, atalǵan tekserý sharalarynyń arqasynda balalardyń sabaqqa qatysý kórsetkishi 97,7%-ǵa jetken.

Osy oraıda 124 myń ata-anaǵa eskertý berilip, 4 myńy ÓR Ákimshilik jaýapkershilik týraly kodeksiniń «Balalardy tárbıeleý jáne oqytý jónindegi mindetterin oryndamaý» baby boıynsha jaýapqa tartylǵan.

Eske salaıyq, Ózbekstan prezıdent Shavkat Mırzıeev taıaýda ótken keńeste balalardyń mektepterge barý kórsetkishi tómen ekenin málimdep, Ulttyq gvardııaǵa tapsyrma júktegen edi.