Ózbekstanda turmystyq zorlyq-zombylyq jasaǵan 15 myńnan astam adam jazalandy

<p>TAShKENT. KAZINFORM &mdash; Bıylǵy 10 aıda Ózbekstan sottary turmystyq zorlyq-zombylyq qylmystaryn jasaǵan 15 826 adamdy jaýapqa tartty, dep habarlaıdy Kazinform agenttiginiń menshikti tilshisi.</p>

Ózbekstan Joǵarǵy sotynyń baspasóz hatshysy Azız Abıdovtyń málimdeýinshe, "Turmystyq zorlyq-zombylyq" baby boıynsha 15 427 adam jaýapqa tartyldy. Onyń ishinde 9 210 azamatqa aıyppul salynsa, 6 217 quqyq buzýshy ákimshilik qamaýǵa alynǵan.

Sonymen qatar, qaıtalap jasalǵan jáne zardaby aýyr bolǵan turmystyq zorlyq-zombylyq áreketteri úshin 399 adam sottaldy.

Aıta keteıik, bıyl sáýirde Prezıdent Qasym-Jomart Toqaev turmystyq zorlyq-zombylyq úshin jazany qatańdatýǵa baǵyttalǵan zańǵa qol qoıdy.

Eske salsaq, bir jyl ishinde kóp áıel alýdy nasıhattaǵan jáne adamdy jynysyna baılanysty kemsitken 21 ózbekstandyq jaýapqa tartyldy.

Sonymen birge, taıaýda Ózbekstanda balaǵa qatysty jasalǵan turmystyq zorlyq-zombylyq úshin jaza engizildi.