Ózbekstanda týrısterge Tax Free júıesi engiziledi
«Mınıstrler kabınetiniń qaýlysy qabyldandy, oǵan sáıkes 2023 jyldyń 1 qańtarynan bastap Ózbekstan aýmaǵynda bólshek saýdany júzege asyratyn kásipkerlerden taýarlardyń jekelegen túrlerin satyp alý kezinde sheteldik azamattar tólegen QQS somasyn qaıtarý boıynsha eksperıment retinde Tax Free júıesi engiziledi», - dep habarlady vedomstvo.
Komıtettiń málimetinshe, týrıster Ózbekstan aýmaǵynan Tashkent, Samarqan, Buhara, Ferǵana jáne Úrgenish halyqaralyq áýejaılary arqyly shyǵý kezinde taýar satyp alǵan kúnnen bastap úsh aı ishinde aerovokzal ǵımaratyndaǵy júıe operatoryna habarlasa otyryp, QQS qaıtarýdy rásimdeı alady.
Tax Free somasy sheteldik azamattyń Ózbekstan aýmaǵynan ketý mártebesi rastalǵannan keıin satyp alý operatsııasy jasalǵan aıdan keıingi aıdyń 25-inen keıin qaıtarylady.
Tax Free júıesine jatatyn taýarlardy satyp alýdyń jalpy somasy kem degende 1 mıllıon somdy ($90) quraýy kerek.
«Eksperıment qorytyndysy boıynsha 2024 jyldan bastap QQS qaıtarýdy rásimdeý pýnktileri barlyq halyqaralyq áýejaılar men vokzaldarda, sondaı-aq Ózbekstannyń shekara pýnktilerinde kezeń-kezeńimen engiziledi», - dep atap ótti memlekettik salyq komıtetiniń baspasóz qyzmeti.
Foto: shutterstock.com