Ózbekstanda toı jıyn ótkizýge shekteýler engizilmek

TAShKENT. ÓzA – QazAqparat - Ózbekstanda 1 sáýirden bastap toı jıyndary men qoǵamdyq sharalar uıymdastyrýda keıbir shekteýler engizildi. Bul týraly QazAqparat ÓzA silteme jasap habarlaıdy.

Respýblıkalyq arnaıy komıssııa sońǵy kúnderi Tashkent jáne Tashkent oblysynda koronavırýs juqtyrǵandar sanynyń kóbeıýine baılanysty elde epıdemııa órshýine jol bermeý maqsatynda birqatar usynystardy maquldady.

Ondaǵy sheshimge saı, 1 sáýirden bastap otbasylyq merekeler, úılený toılary, saltanatty keshter men neke qııý rásiminde aýrýdyń taralýyn boldyrmaý úshin sanıtarlyq-epıdemıologııalyq baqylaýdy kúsheıtip, kelýshilerdiń sanyn 100 adamnan asyrmaý qajettigi talap etilgen.

Eske salsaq, 25 naýryzdan bastap Ózbekstan aýmaǵyna kirýdiń jańa tártibi engiziledi.