Ózbekstanda tikushaqtyń qatysýymen ótken toı kortejiniń júrgizýshileri jazalandy

<p>Tashkent oblysynda toıda top-top bolyp kólik júrgizgen Captiva júrgizýshilerine shara qoldanyldy, dep habarlaıdy QazAqparat Tashkent oblysy IIBB JQQB baspasóz qyzmetine silteme jasap.</p>

Buǵan deıin áleýmettik jelide birneshe Captiva júrgizýshisi toıda top-top bolyp kólik júrgizip, qalyńdyq pen kúıeý jigittiń tikushaqpen ushyp bara jatqany beınelengen vıdeo taraǵan bolatyn.

Tashkent oblysy ІІBB JQQB málimetinshe, bul oqıǵa Tashkent oblysynda bolǵan.

Mán-jaıdy Tashkent oblysy ІІBB jol qozǵalysy qaýipsizdigi basqarmasynyń qyzmetkerleri zerttedi. Toı kezinde jol erejesin buzyp, jol qozǵalysynyń basqa qatysýshylaryna kedergi keltirip, top-top bolyp qozǵalǵan barlyq kólik júrgizýshilerine ákimshilik hattama toltyryldy.

Beınejazbadaǵy tikushaqqa nazar aýdarsańyz, onyń «Uzbekistan Airways» áýe kompanııasyna tıesili UK-12504 tikushaǵy ekenin baıqaýǵa bolady. Alaıda habarda tikushaq týraly eshqandaı aqparat berilmedi.