Ózbekstanda telefonnan bas tartqan mektepterge 24 myń dollar beriledi

<p>ÓZBEKSTAN. KAZINFORM &ndash; Ózbekstannyń Tashkent oblysynda ata-analarmen kelise otyryp, telefon paıdalanýdan bas tartqan mektepterge 300 mln sým (shamamen 24 myń dollar) beriledi, dep habarlaıdy&nbsp;<a href="https://www.gazeta.uz/ru/2024/02/27/phone-schools/" target="_blank" rel="noopener">Gazeta.uz</a>.</p>

Tashkent oblysynyń hokımi Zoıır Mırzaev 27 aqpanda Chırchıkte ótken bilim berý keńesiniń otyrysynda aımaqtaǵy bilim berý mekemelerin «Telefonsyz mektep» bastamasyn qoldaýǵa shaqyrdy.

Ákimshilik basshysy Kengashtyń Chırchıkte ótken bilim keńesiniń otyrysynda mektepte telefonnyń qoldanylýyn synap, ata-analarmen kelise otyryp, oqýshylar men muǵalimderge mektep aýmaǵynda telefon paıdalanýǵa tyıym salý kerektigin aıtty.

«Jaqynda áleýmettik jelilerde Ortalyq Azııa elderi mektep aýmaǵynda telefon paıdalanýǵa tyıym saldy degen jańalyqty kórgen bolarsyzdar. Kúni keshe Qazaqstanda da tyıym salyndy. Bul sabaq kezinde muǵalimderge de qatysty. Mektep aýmaǵynda telefon alyp júrýge tyıym salynǵany jón», — dedi oblys ákimshiliginiń basshysy.

Onyń aıtýynsha, birde-bir mektep basshysy bilim oshaǵynda telefon qoldanýdan bas tartý týraly bastama kótermegen.

«Jınalysta ata-analarmen kelisip, tájirıbe retinde telefonmen mektepke kirgizbeı qoıǵanyn, nátıjesinde 11 aıda kitap oqıtyn balalardyń sany sonshalyqty óskenin, olardyń oqý úlgeriminiń artqany týraly eshkim aıtqan joq. Kóptegen dırektorlar ujymdaryn basqara almaıdy. Jaqsy jumys istep jatqan dırektorlar nege mundaı bastamany kótermedi?» — dedi ol.

Zoıır Mırzaev ata-analarmen kelise otyryp, «Telefonsyz mektep» bastamasyn kótergen mektep yntalandyrý túrinde 300 mln sým alatynyn aıtty.

Eske sala ketsek, jaqynda Anglııa mektepterinde uıaly telefondy paıdalanýǵa tyıym salyndy.