Ózbekstanda tanymal avtokólik úlgileriniń jyldyq kólemi eki kúnde satyldy

<p>UzAuto Motors kompanııasy Ózbekstannyń ishki naryǵyna 2024 jyly shyǵarý josparlanǵan Chevrolet Cobalt, Damas jáne Labo avtokólikteriniń kólemine kelisimshartty eki kúnde aıaqtady, dep habarlaıdy Kazinform agenttiginiń tilshisi.</p>

Kompanııa málimetinshe, 25 jáne 26 jeltoqsanda satyp alýshylarmen avtokólikterdi kelesi jyly jetkizýge 171,2 myń kelisimshart jasalǵan. Kelisimder UzAutoSavdo qosymshasy jáne savdo.uzavtosanoat.uz saıty arqyly onlaın rejımde jasaldy.

Onlaın satý kezinde kıbershabýyldar kesirinen tehnıkalyq aqaý týyndap otyrǵan.

“UzAutoSavdo onlaın saýda júıesinde 7 myń kıbershabýyl baqylandy. Osy kezeńde júıede barlyǵy 3 mln-nan astam belsendi seans tirkelgen. Kompanııanyń koll-ortalyǵy 3 myńnan astam ótinimdi qabyldap, óńdedi” dep habarlady UzAuto Motors kompanııasynan.

Buǵan deıin Ózbekstan úkimeti «alypsatarlarmen» kúresý jáne barlyq tutynýshylarǵa teń múmkindikter jasaý maqsatynda jańa kólikterdi satý erejelerine ózgerister engizdi.

Jańa erejelerge sáıkes, 12 aı ishinde ekiden astam satyp alý-satý shartyn jasasqan klıentpen mashınany jetkizýge jańa kelisim-shart jasalmaıdy.