Ózbekstanda sheteldik saıası partııalardyń qyzmetine tyıym salyndy

<p>TAShKENT. KAZINFORM &ndash; Ózbekstanda shet memleketterdiń saıası partııalary men olardyń bólimshelerin qurýǵa jáne olardyń qyzmetin júzege asyrýǵa tyıym salynady, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan prezıdenti Shavkat Mırzıeev tıisti ózgeris engizilgen «Saıası partııalar týraly» zańyna qol qoıdy.

Qujatta jazylǵandaı, Ózbekstanda partııalardyń qyzmetin jetildirý boıynsha aýqymdy sharalar júzege asyrylyp jatyr. Bul oraıda, el aýmaǵynda sheteldik partııalardyń qyzmetin retteý qajet ekeni kórsetilgen.

«Atalǵan «Saıası partııalar týraly» zańyna engiziligen ózgerister shet memleketterdiń saıası partııalary men olardyń bólimshelerin qurýǵa jáne olardyń qyzmetin júzege asyrýyna jol bermeýge baǵyttalǵan», - delingen zańnyń jańa redaktsııasynda.

Aıta keteıik, búginde Ózbekstanda resmı tirkelgen jáne jumys istep kele jatqan 5 bes saıası partııa bar. Olar – Ózbekstannyń lıberaldy-demokratııalyq partııasy, «Mıllı tıklanısh» (Ulttyq jańǵyrý) demokratııalyq partııasy, «Adolat» (Ádilet) áleýmettik-demokratııalyq partııasy, Halyqtyq-demokratııalyq partııasy men Ekologııalyq partııa.