Ózbekstanda sheteldikterdiń kóbeıýine baılanysty arendatorlardy úıinen qýyp jatyr - mınıstrlik

TAShKENT. QazAqparat - Ózbekstanda sheteldikterdiń aǵylyp kelýi men jalǵa beriletin turǵyn úı baǵasynyń aıtarlyqtaı ósýine baılanysty jalǵa alýshylardy kóshirý faktileri jıilep ketti, dep habarlaıdy QazAqparat tilshisi Ózbekstan Ádilet mınıstrliginiń baspasóz qyzmetine silteme jasap.

Mınıstrliktiń málimetinshe, sońǵy kezderi Ózbekstanǵa kelýshi sheteldikter sany kúrt ósip, eldiń týrıstik áleýetine oń áser etip otyr.

Alaıda olardyń shamadan tys kóptigi jaǵymsyz saldarǵa ákep jatyr.

«Keıbir otandastarymyzdyń turǵyn úıdi jalǵa berý arqyly kóbirek paıda tabý maqsatynda jalǵa alýshylardy májbúrlep shyǵarý nemese buryn jalǵa alynǵan páterlerdiń baǵasyn negizsiz kóterý jaǵdaılary tirkelip jatyr», - dep habarlaıdy eldiń Ádilet mınıstrligi.

Vedomstvo bul áreketter Ózbekstannyń azamattyq kodeksi men basqa da zańnamalyq aktilerdiń talaptaryn, sondaı-aq turǵyn úıdi jalǵa alýdyń quqyqtyq negizderin buzatynyn eske saldy.

Ádilet mınıstrligi shart talaptaryn birjaqty ózgertý nemese menshik ıesiniń bastamasy boıynsha ony buzý tek sot tártibimen júzege asatynyn túsindirdi.

Jergilikti BAQ-tyń habarlaýynsha, Ózbekstan astanasynda páter jaldaý baǵasy shetel azamattarynyń, birinshi kezekte reseılikterdiń kelýine baılanysty eki ese ósken.

Atap aıtqanda, bir bólmeli jáne eki bólmeli páterlerdiń quny 300-450 dollardan 600-1500 dollarǵa deıin ósken.

Foto: economist.kg