Ózbekstanda iri kólemde gaz urlaǵan kúdiktiler Jambylda ustaldy

<p>TARAZ.KAZINFORM &ndash; Jambyl oblysynda polıtseıler memleketaralyq izdeýde júrgen sheteldik kúdiktilerdi ustady.</p>

Oblystyq polıtsııa departamenti baspasóz qyzmetiniń habarlaýynsha, Turar Rysqulov aýdanynyń aýmaǵynda jedel izdestirý is-sharalaryn júrgizý kezinde memleketaralyq izdeýde júrgen qylmyskerlerdi departamenttiń krımınaldyq polıtsııa basqarmasynyń qyzmetkerleri ustaǵan.

«Ózbekstan Respýblıkasynyń eki azamaty kórshi memlekettiń Samarqand oblysynda 288 mıllıard somadan (10 mıllıard teńge) asa iri mólsherdegi tabıǵı gazdy jasyryn urlady dep aıyptalýda.

Er adamdar ýaqytsha ustaý ızolıatoryna qamaqqa alyndy jáne jaqyn arada izdeý salýdy jarııalaýǵa bastama bildirgen elge beriledi», – delingen departament taratqan aqparatta.