Ózbekstanda ınspektordy soqqyǵa jyǵyp, kóliginiń terezelerin syndyrǵandar qamaýǵa alyndy

<p>Samarqand qalasyndaǵy janjal týraly qońyraýǵa jaýap retinde páterge barǵan profılaktıkalyq ınspektordy úı ıeleri uryp-soqqan dep habarlaıdy <a href="https://kaz.inform.kz/" target="_blank" rel="noopener">Kaziform</a> agenttigi <a href="https://www.gazeta.uz/ru/" target="_blank" rel="noopener">Gazeta.uz</a> saıtyna silteme jasap.</p>

Sondaı-aq profılaktıkalyq ınspektorǵa tıesili kóliktiń terezeleri synǵan. Qylmystyq is qozǵalyp, 2 azamat qamaýǵa alyndy.

Sol kúni saǵat 19:30-da qalanyń Býned kentinde turatyn azamat M.R. 102 operatoryna habarlasyp, páterdegi tóbeles týraly habarlap, ınspektordy jiberýdi suraǵan.

Osyǵan sáıkes profılaktıkalyq ınspektor A.T. shaqyrtý túsken mekenjaıǵa barǵan.

«Ol jerde ınspektor Qylmystyq kodekstiń birneshe baby boıynsha sottalǵan azamattar M.R., onyń ápkesi, kúıeýi jáne aǵasy ózara janjaldasyp jatqanyn kórip, olardy ajyratyp, janjaldy toqtatýǵa árekettengen. Alaıda, azamattar profılaktıkalyq ınspektorǵa belsendi túrde qarsylyq kórsetip, ony uryp-soǵyp, denesin jaraqattaǵan. Sondaı-aq ınspektorǵa tıesili Spark avtokóliginiń aldyńǵy terezesin syndyryp, materıaldyq shyǵyn keltirgen», – delingen ІІB habarlamasynda.

Atalǵan azamattarǵa qatysty Qylmystyq kodekstiń 219-babynyń 2-bóligi (Bılik ókiline nemese onyń azamattyq boryshyn ótep júrgen adamǵa qarsylyq kórsetý) boıynsha qylmystyq is qozǵaldy.

Іshki ister mınıstrliginiń málimetinshe, azamattardyń biri protsessýaldyq tártipte ustaldy, taǵy bir azamat úıqamaqqa alyndy. Tergeý amaldary júrgizilýde.

Joǵaryda atalǵan bap boıynsha kináli dep tanylǵan adamdar 3 jyldan 5 jylǵa deıin bas bostandyǵynan aıyrylýy múmkin.