Ózbekstanda óz sábıin azaptaǵan er adamǵa qatysty qylmystyq is qozǵaldy

<p>Jızaq oblysynda sábıin azaptap, ómiri men densaýlyǵyna qaýip tóndiretin áreketterge barǵan er adamǵa qatysty qylmystyq is qozǵaldy, dep habarlaıdy Kazinform sol eldegi balalar ombýdsmeniniń habarlamasyna silteme jasap.</p>

Jızaq qalasynda turatyn áke óz balasyna «adamılyqqa jatpaıtyn qylmystyq áreketterdi» úzdiksiz jasaǵany anyqtaldy. Áleýmettik jelilerde bul áreketterdi beıneleıtin vıdeo tarady.

Balanyń anasy ishki ister organdaryna aryzdanǵan soń, 20 jeltoqsanda ÓR Qylmystyq kodekstiń 110-baby (Azaptaý), 112-baby (Kisi óltirý nemese kúsh qoldaný arqyly qorqytý) jáne basqa da baptary boıynsha qylmystyq is qozǵalǵany atap ótilgen.

Aıtýlarynsha, tergeý júrgizilip jatyr.