Ózbekstanda nesıe saıasaty qataıtylady

<p>ASTANA. KAZINFORM &mdash; Ózbekstanda 1 shildeden bastap halyqqa nesıe berý sharttary kúsheıtiledi. Tıisti <a href="https://lex.uz/ru/pdfs/6809992" target="_blank" rel="noopener">qaýlyny</a> Ózbekstannyń Ortalyq banki qabyldady.&nbsp;</p>

Ortalyq bank halyqtyń qaryz aýyrtpalyǵynyń kórsetkishin - aı saıynǵy nesıe tólemderiniń qaryz alýshynyń kirisine qatynasyn engizedi. 2024 jyldyń 1 shildesinen bastap nesıeleý lımıti 60 paıyz deńgeıinde belgilendi, ıaǵnı, qaryz alýshy óz kirisiniń 60 paıyzyn olardy óteýge jumsaǵan jaǵdaıda bankter nesıe berýden bas tartady. 2025 jyldyń 1 qańtarynan bastap qaryz júktemesi 50 paıyzǵa deıin tómendeıdi.

Jańashyldyq turǵyndardyń kirisin barynsha ashyq baǵalaýǵa, kiristerin zańdastyrýǵa alǵan qaryz alýshylardy yntalandyrýǵa, bankterdi jaýapty nesıelendirýge yntalandyrýǵa múmkindik beredi.

Ortasha aılyq tabys jalaqyny, zeınetaqyny, bank shotyndaǵy kiristi jáne tólengen salyqtardy qosa alǵanda, sońǵy 6 aıdaǵy derekter negizinde esepteledi. Eger nesıeni óteý merzimi 36 aıdan assa, onda sol kezeńdegi ortasha tabys esepke alynady. 

Ipotekalyq nesıeni berý kezinde nesıe merzimi buryn josparlanǵan 120 aıdyń ornyna 180 aıǵa deıin artady.

Jańa talaptar bankterdiń nesıe portfeliniń 85 paıyzyna qatysty bolady. Qalǵan 15 paıyzyn bankter qaryz alýshynyń qaryz júktemesin esepke almaı, óz qalaýy boıynsha bere alady.