Ózbekstanda Naýryz karantın talaptaryna sáıkes toılanady

TAShKENT. ÓzA – QazAqparat - Ózbekstanda Naýryz merekesi karantın talaptaryna sáıkes uıymdastyrylady. Bul týraly QazAqparat ÓzA-ne silteme jasap habarlaıdy.

Ózbekstan aýmaǵynda koronavırýstyń taralýyn boldyrmaý jáne is-sharalar baǵdarlamasyn daıyndaý boıynsha ótken jıynda kóktemgi mereke Naýryzdy toılaý týraly qaýly qabyldandy.

Osy sheshimge saı:

· merekelik is-sharalar aýa-raıyna baılanysty jaǵdaıdy eskere otyryp, ashyq alańdarda, ıaǵnı saıabaqtarda, alleıalar men stadıondarda ótkizý;

· merekelik is-sharalar kezinde halyqtyń kóp jınalmaýyn jáne kelýshilerdiń maska taǵýyn, áleýmettik araqashyqtyqty saqtaýyn qamtamasyz etý;

· adamdardyń kóptep toptalýyn boldyrmaý úshin, mahalalarda shaǵyn is-sharalar uıymdastyrý sharalaryn qabyldaý tapsyryldy.

Sonymen birge, quqyq qorǵaý organdaryna mereke kezinde qoǵamdyq tártipti saqtaý men qaýipsizdik sharalaryn qabyldaý mindeti júktelgen.