Ózbekstanda Naýryz meıramynda gaz ballony jarylyp, 37 adam zardap shekti

<p>TAShKENT. KAZINFORM — Naýryz merekesin toılaý kezinde Qashqadarııa oblysynyń Kókdala aýdanynda gaz ballony jarylǵan. 37 adam aýrýhanaǵa jetkizilip, onyń jeteýi statsıonar bólimine jatqyzylǵan. Qashqadarııa oblysynyń prokýratýrasy resmı <a href="https://t.me/qvprokuratura/11277" target="_blank" rel="noopener">málimdeme</a> jasady.</p>

Kókdala aýdanynda Naýryz merekesin toılaý kezinde gaz ballony jarylǵany habarlanǵan.

Oqıǵa 18 naýryz kúni bolǵan. Jarylystan kelip shyqqan órt saldarynan 37 adam zardap shegip, aýrýhanaǵa jetkizilgen.

Onyń jeteýi statsıonarlyq jaǵdaıda aýrýhanaǵa jatqyzyldy, 17-si ambýlatorlyq tekserýden ótken, olardyń jaǵdaıy qanaǵattanarlyq, alǵashqy medıtsınalyq kómek kórsetilgen, 13-i medıtsınalyq tekseristen ótken soń aýyr dene jaraqaty bolmaǵandyqtan úıine jiberildi.

Kókdala aýdandyq prokýratýrasy ÓR Qylmystyq kodekstiń 207-baby boıynsha qylmystyq is qozǵap, tergeý amaldary júrip jatyr.