Ózbekstanda nan Qazaqstanǵa qaraǵanda nege arzan

<p>Saýda jáne ıntegratsııa vıtse-mınıstri Qaırat Tórebaev tilshilerdiń &laquo;Qazaqstanǵa qaraǵanda Ózbekstanda nan ne sebepti arzan?&raquo; degen suraǵyna jaýap berdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Biz elimizde bıdaı ósirip, aýqymdy kólemde un óndirip otyrmyz. Sonymen qatar osy undy Ózbekstanǵa jetkizip jatyrmyz. Biraq kórshi elde nan bizge qaraǵanda arzan», – dedi jýrnalıster.

Óz kezeginde Qaırat Tórebaev ár kásiporynda óziniń ekonomıkalyq negizdemesi bar ekenin aıtty.

«Biz qandaı da bir ónimdi shyǵarǵan kezde, el ishindegi barlyq shyǵyndar eskeriledi. Osy rette elektr energııasy, salyqtar qamtylady. Sondyqtan bul suraq boıynsha Ózbekstan jáne Qazaqstan naýbaıhanalary qandaı shyǵynǵa tap bolyp jatqanyn naqty qaraý kerek.

Ekinshiden, naqty bir ónimdi teń dárejede birdeı salystyrǵan jón. ıAǵnı Qazaqstandaǵy nannyń Ózbekstandaǵy ónimge qaraǵanda sapasy jaǵynan birdeı me? Sondyqtan, bul suraq kúrdeli», – dedi vıtse-mınıstr Senattyń jalpy otyrysynan keıingi baspasóz máslıhatynda.

Bul turǵyda mınıstrlik ókili atalǵan másele boıynsha endi tıisti zertteý jasap, naqty statıstıkany shyǵarý kerek ekenin aıtty.