Ózbekstanda mektep jataqhanasyndaǵy 32 oqýshy tamaqtan ýlanyp, aýrýhanaǵa tústi

<p>ASTANA. KAZINFORM &ndash; Ózbekstan Mamandandyrylǵan bilim berý uıymdary agenttiginiń <a href="https://t.me/piimauz/13982" target="_blank" rel="noopener">aqparatyna</a> sáıkes, 2024 jyldyń 18 qańtarynda saǵat 22:00-24:00 aralyǵynda Surhandarııa oblısy Sarıosıe aýdanynyń mamandandyrylǵan mektep-ınternatynda jataqhanada uıyqtap jatqan 32 oqýshynyń densaýlyǵyna baılanysty másele týyndap, júrek aıný, asqazan men ish aýrý belgileri baıqalǵan, dep habarlaıdy Kazinform.</p>

Bul jaǵdaıda ınternat meıirbıkesi alǵashqy medıtsınalyq kómek kórsetkeni atap ótiledi. Oqýshylar jedel járdem qyzmetkerleriniń nusqaýymen qosymsha kómek alý úshin aýdandyq medıtsınalyq birlestikke jetkizildi. «Azızbek Omad Ýchkýnı» jaýapkershiligi shekteýli seriktestigi ınternat ashanasynda aýtsorsıng negizinde jumys isteıdi.

Bıylǵy jyldyń 19 qańtarynda Sarıosıe aýdanynyń sanıtarlyq-epıdemıologııalyq ortalyǵy ınternat ashanasynyń sanıtarlyq jaǵdaıyn tekserip, 18 qańtarda oqýshylarǵa berilgen tańǵy, túski jáne keshki astyń synamalary saraptama jasaý úshin alynǵan.

«Qazir barlyq oqýshylardyń densaýlyǵy jaqsy, sabaqqa belsene qatysýda. Jaǵdaı ІІB, SES jáne Mamandandyrylǵan bilim berý uıymdary agenttiginiń baqylaýynda ekenin atap ótkimiz keledi», - delingen habarlamada.