Ózbekstanda mektep aýlasyna kirip ketken aıý qyzmetkerdi jaraqattady

<p>TAShKENT. KAZINFORM &ndash; Ózbekstannyń Surhandarııa oblysyna qarasty Saryıasy aýdanyndaǵy turǵyn úıler men mekteptiń aýmaǵyna kirip ketken aıý ishki ister organdarynyń qyzmetkerin jaraqattady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Búgin áleýmettik jelilerde Surhandarııa oblysyndaǵy «Jannatmakon» mahallıasyna kirip ketken aıýdan qashyp bara jatqan adamdardyń vıdeosy jarııalanǵan bolatyn.

Osy jaǵdaıǵa baılanysty Ózbekstannyń ekologııa, qorshaǵan ortany qorǵaý jáne klımattyń ózgerýi mınıstrligi túsinik berdi.

«Aıýdyń kózin joıýǵa tyrysqan ishki ister organdarynyń qyzmetkerine janýar shabýyl jasap, ony jaraqattady. Sondaı-aq, aıý №74 mekteptiń aýmaǵyna kirip ketti. Ol ýaqytta aýlada oqýshylar bolǵan. Janýar bilim alýshylardyń ómirine qaýip tóndirdi. Osyǵan baılanysty jedel shara qabyldanyp, aıý atyldy», - delingen mınıstrliktiń málimdemesinde.

Jaraqat alǵan qyzmetker qazirgi ýaqytta medıtsınalyq tekserýden ótip jatyr.